Այսօր՝ սեպտեմբերի 23-ին, ՍԴ-ի դիմաց լրագրողների հետ զրույցում ՍԴ դատավոր Երվանդ Խունդկարյանը հայտարարեց, որ իր թեկնածությունը՝ որպես ՍԴ նախագահ, դեռևս որևէ մեկը չի շոշափել:
«Այս պահի դրությամբ ո՛չ առաջադրման, ո՛չ չառաջադրման մասին որոշում չունեմ, քննարկումը կլինի աշխատակարգային նիստում»,- պատասխանելով լրագրողներին, թե ինքն ուզում է դառնալ ՍԴ նախագահ, ասաց Խունդկարյանը:
Հարցին, թե Հրայր Թովմասյանի թեկնածությունն առաջադրվելու դեպքում ՍԴ ճգնաժամը կշարունակվի՞, Խունդկարյանն ասաց. «Այն անձը, ով կընտրվի աշխատակարգային նիստում՝ փակ գաղտնի քվեարկությամբ, լուծումը կլինի օրենքի պահանջների համաձայն»: