Խնդրում ենք սպասել...
Այսօր`  ուրբաթ, 18 սեպտեմբերի, 2020 թ.

Հարցազրույցներ

«Սա դպրոցը քանդելու ճանապարհ է». Արտակ Մովսիսյան

23:30, երեքշաբթի, 15 սեպտեմբերի, 2020 թ.
«Սա դպրոցը քանդելու ճանապարհ է». Արտակ Մովսիսյան

ԵՊՀ Հայոց պատմության ամբիոնի վարիչ, պատմական գիտությունների դոկտոր, պրոֆեսոր Արտակ Մովսիսյանն այսօր «168 ժամ»-ի եթերում ասել է, որ ԿԳՄՍՆ-ի կողմից ներկայացված չափորոշիչների վերաբերյալ բացասական է արտահայտվել ողջ մասնագիտական հանրույթը. «Հիմա դրել է հանրային քննարկման, բայց երբ բացասական կարծիք ես արտահայտում, այդ թվում՝ պաշտոնյա անձինք ասում են՝ մեծ աղմուկ բարձրացավ. աղմկողն իրենք են, սա աղմուկ չէ, դժգոհության ձայն է»,- ասել է նա:

Մովսիսյանն «աբսուրդային» է որակել այն հանգամանքը, որ 7-րդ դասարանի «Հայոց պատմություն» դասագիրքը սկսվում է Վանի թագավորությունով. «Ասում են՝ տեսեք՝ 6-ում մենք 3-րդ և 2-րդ հազարամյակին և նախնադարին անդրադառնում ենք: 6-րդ դասարանի դասագրքում նյութն անհասկանալի է և չպատճառաբանված»,- նշել է նա:

Նրա խոսքով՝ դրվել է մի կոնցեպցիա, որը ոչ մի քննադատության չի դիմանում. «Նման բան անել դպրոցի նկատմամբ, նախարարությանն է սա ուղղված, սա թշնամություն է ուղղակի: Չի կարելի, դպրոց է...: Սա ապազգային վտանգ է, սա դպրոցը քանդելու ճանապարհ է, և, բնականաբար, պետք է ամեն հնարավոր տարբերակներով կանգնեցնել այս ընթացքը»,- նշել է Արտակ Մովսիսյանը:

Մանրամասները` տեսանյութում:

«Սա դպրոցը քանդելու ճանապարհ է». Արտակ Մովսիսյան
| | |
2221 | 0
Facebook