Խնդրում ենք սպասել...
Այսօր`  կիրակի, 20 սեպտեմբերի, 2020 թ.

Համացանց

Հանրային քննարկումը միակողմանի էր. «Մեդիա պաշտպան»

09:20, երկուշաբթի, 14 սեպտեմբերի, 2020 թ.
Հանրային քննարկումը միակողմանի էր. «Մեդիա պաշտպան»

«Մեդիա պաշտպան»-ը ֆեյսբուքյան էջում հաղորդագրություն է տարածել. «Հանրային հեռուստաընկերության եթերում սեպտեմբերի 13-ին Պետրոս Ղազարյանի հյուրերն էին ԿԳՄՍ նախարարության հանրակրթության վարչության փորձագետ Արտաշես Թորոսյանը, ՅՈՒՆԻՍԵՖ-ի կրթության ծրագրերի բաժնի պետ Ալվարդ Պողոսյանը, Վանաձորի Վիկտոր Համբարձումյան 25 հիմնական դպրոցի դասվար Հեղինե Համբարձումյանը, «Հիվանդությունների վերահսկման և կանխարգելման ազգային կենտրոն»-ի գլխավոր տնօրենի տեղակալ Գայանե Սահակյանը։ Թեման վերաբերում էր ուսումնական գործընթացին։ Հանրային քննարկումը միակողմանի էր: Պետրոս Ղազարյանը հիմնականում համաձայնում էր հնչող տեսակետների հետ, բացի այդ, կարծիքներ հայտնում ու որակումներ տալիս. «Մենք ազատ երկիր ենք։ Մենք հիմա խոսում ենք, թե դպրոցում ինչքան կարևոր է դիմակ կրելը, որ միջազգային փորձը այդպիսին է, որ պետք է ծնողները երեխաներին բացատրեն դիմակ կրելու անհրաժեշտությունը, տիկին Սահակյանը բացատրում է, որ թթվածնային քաղց ու հիվանդություններ, նման բաներ չկան, բայց մենք ունենք պատգամավոր, որը կոչ է անում դիմակ չկրել, հիմա դա էլ կա, չենք կարող խուսափել նման, չեմ ուզում բառ գտնեմ ուրիշ բառով ասեմ՝ նման երևույթներից»։ Ազատ երկիրը ենթադրում է կարծիք ատահայտելու ազատություն, բայց ոչ հեռուստահաղորդավարի կողմից, որի գործառույթն է հասարակության մեջ առկա խնդիրները վեր հանելն ու հավասարազոր պայմաններում քննարկման միջոցով լուծումներ գտնելը»։

| | |
1482 | 0
Facebook