Խնդրում ենք սպասել...
Այսօր`  կիրակի, 27 սեպտեմբերի, 2020 թ.

Իրադարձություններ

Շվեյցարիայում շոկոլադի թանգարան կբացվի՝ աշխարհում խոշորագույն շոկոլադե շատրվանով

02:10, կիրակի, 13 սեպտեմբերի, 2020 թ.
Շվեյցարիայում շոկոլադի թանգարան կբացվի՝ աշխարհում խոշորագույն շոկոլադե շատրվանով

Հայտնի շոկոլադ արտադրող Lindt ընկերությունը բացում է շոկոլադի թանգարան և առաջարկում շրջայց երկրպագուներին՝ ծանոթանալու, թե ինչպես են արտադրվում իր յուրահատուկ քաղցրավենիքները։
     Սեպտեմբերի 13-ին կբացվի Lindt-ի «Շոկոլադի տունը»։ Տեսարժան վայրն իր մեջ կներառի աշխարհի ամենաբարձր շոկոլադե շատրվանը, որի բարձրությունը 9 մ-ից ավելի է։ Շատրվանից կթափվի 1000 լ հալված շոկոլադ՝ Լինդորի հսկա գունդը ծածկելու համար:
     36 ամիս է պահանջվել «Շոկոլադի տուն»-ը կառուցելու համար։
     Ներսում կանցկացվեն շոկոլադե դասընթացներ և այստեղ կլինի աշխարհի ամենամեծ Lindt կրպակը։
     Բացի «Շվեյցարական պիոներների» սենյակից, որը այցելուներին ցույց կտա, թե ինչպես է Շվեյցարիան հայտնի դարձել իր շոկոլադով, գործելու է նաև «Շոկոլադի պատմության» սենյակը:
     Lindt Lindor balls-ի հայտնի գնդիկների սիրահարների համար կլինեն նաև ապրանքանիշի սիրելի քաղցրավենիքներից մեկի տեսքով պատրաստված ֆոտո ցուցատախտակներ։ Այստեղ կգործի նաև Lindt սրճարանը և հատուկ համտեսման սրահը, որը հայտնի է որպես «Շոկոլադե դրախտ»։

| | |
4235 | 0
Facebook