Գերմանացի բժիշկները նշել են առավոտյան վնասակար սովորություններից մեկը։ Ռիսկային գոտում են հայտնվել այն մարդիկ, ովքեր արթնանալուց անմիջապես հետո կարգի են բերում անկողինը։
Գիտնականները պնդում են, որ դա կարող է հանգեցնել առողջական խնդիրների: Պատճառն այն է, որ երբ մարդը վեր է կենում անկողնուց, այն դեռ որոշ ժամանակ տաք է մնում։
Անկողինը կարգի բերելով՝ չեք թողնում, որպեսզի խոնավությունը գոլորշիանա, որը քրտինքի հետևանքով փոխանցվել է սպիտակեղենին և ծածկոցին։ Այն ձեր անկողնում ստեղծում է «փոքր ջերմոց», որը իդեալական միջավայր է մանրէների տարածման համար:
Ձեր քունը գիշերային մակաբույծներից պաշտպանելու համար բժիշկները խորհուրդ են տալիս նախքան անկողինը կարգի բերելը կատարել առավոտյան ընթացակարգերը՝ լվացվել, նախաճաշել և օդափոխել ննջասենյակը։ Այս ժամանակահատվածը բավական կլինի, որպեսզի մակաբույծները չբազմանան անկողնում: