Խնդրում ենք սպասել...
Այսօր`  կիրակի, 20 սեպտեմբերի, 2020 թ.

Միջազգային

Լիտվայի խորհրդարանը Տիխանովսկայային անվանել է Բելառուսի ընտրված նախագահ

14:40, ուրբաթ, 11 սեպտեմբերի, 2020 թ.
Լիտվայի խորհրդարանը Տիխանովսկայային անվանել է Բելառուսի ընտրված նախագահ

Լիտվայի խորհրդարանը ընդունել է բանաձև, որտեղ Սվետլանա Տիխոնովսկայային անվանել է Բելառուսի ընտրված նախագահ։

Խորհրդարանը միջազգային հանրությանը կոչ է արել աջակցել այդ որոշմանը, ինչպես նաև ընդդիմության ստեղծած Համակարգող խորհրդին:

Բանաձևի հեղինակներն առաջարկել են նոր համաձայնագրեր կնքելիս, նախագահ Ալեքսանդր Լուկաշենկոյի գործողությունները դիտարկել որպես երկրի բռնազավթում:

Բացի այդ, խորհրդարանականները Մոսկվայից պահանջել են չմիջամտել Բելառուսի ներքին գործերին և հրաժարվել Մինսկի հետ նոր համաձայնագրերից:

Լիտվայի խորհրդարանը նոր պատժամիջոցներով Է սպառնացել, եթե Ռուսաստանը փորձի անօրինական միջոցներով սահմանափակել Բելառուսի ինքնիշխանությունը:

Ավելի վաղ Լիտվան հրաժարվել էր ճանաչել ընտրության արդյունքները:

ՌԴ ԱԳ նախարար Սերգեյ Լավրովը հայտարարել է, որ Վիլնյուսը Մինսկի շուրջ ստեղծված իրավիճակում անցել է բոլոր սահմանները: Նախարարի խոսքով՝ հիմքեր կան ենթադրելու, որ Լիտվայի իշխանություններն ու Տիխանովսկայան «աշխատում են ոչ ժողովրդավարական մեթոդներով»:

| | |
2258 | 1
Facebook
COMMENT.am