Բելառուսի ընդդիմության առաջնորդներից Մարիա Կոլեսնիկովան ձերբակալված է և գտնվում է Մինսկի մեկուսարանում։ «Այո, նա քննչական մեկուսարանում է, այժմ փորձում եմ նրա մոտ գնալ»,- РИА Новости-ին հայտնել է փաստաբան Լյուդմիլա Կազակը: Նա հավելել է, որ ընդդիմադիր գործիչն, ամենայն հավանականությամբ, արդեն կասկածյալի կարգավիճակ ունի. «Քանի որ նա մեկուսարանում է. առնվազն կասկածյալ է»: Ըստ փաստաբանի՝ խոսքը քրեական գործի մասին է՝ հարուցված Կոորդինացիոն խորհուրդ ստեղծելու փաստով: