Խնդրում ենք սպասել...
Այսօր`  հինգշաբթի, 01 հոկտեմբերի, 2020 թ.

Ի՞նչ ենք ուտում, հագնում, դիտում

Թոմ Քրուզն իր կյանքի ամենավտանգավոր հնարքն է կատարել

21:25, երեքշաբթի, 08 սեպտեմբերի, 2020 թ.
Թոմ Քրուզն իր կյանքի ամենավտանգավոր հնարքն է կատարել

«Առաքելությունն անիրագործելի է 7» լրտեսական մարտաֆիլմի նկարահանումների ժամանակ գլխավոր դերակատար Թոմ Քրուզը կրկին բարձրացրել է հնարքային նկարահանումների նշաձողը՝ մոտոցիկլետով թռիչք կատարելով դեպի անդունդ: Դրվագը նկարահանվել է Նորվեգիայում։ Լեռան վրա կառուցվել է թեքահարթակ, որն էլ օգտագործվել է ցատկի համար:
     Ականատեսները պնդում են, որ դերասանը 4 անգամ կրկնել է հնարքը, մինչև նկարահանված նյութն ամբողջությամբ բավարարել է իրեն և ռեժիսոր Քրիստոֆեր Մաքքուորիին: Նկարահանումների համար օգտագործվել է ուղղաթիռ և մի քանի բազմակոպտեր։


     Նշենք, որ դերասանի կյանքում ամենավտանգավոր հնարքից մեկի կատարման համար, իրականացվել են բազմաթիվ մարզումներ ու ճշգրիտ հաշվարկներ: Քրուզը մի քանի անգամ օդապարիկով պարզապես թռել է ժայռից, որպեսզի հստակեցնի քամու ուղղությունը և ընտրի առավել հաջող անկյունները նկարահանման համար։
     «Առաքելությունն անիրագործելի է 7» ֆիլմը պետք է վարձույթում հայտնվեր 2021-ի ամռանը, սակայն կորոնավիրուսի համաճարակի պատճառով նկարահանումները հետաձգվել են գրեթե կես տարով, իսկ թողարկումը հետաձգվել է մինչև աշուն:

| | |
6401 | 0
Facebook
COMMENT.am