Բելառուսի ՆԳՆ-ն հայտնել է, որ երեկ՝ օգոստոսի 30-ին ձերբակալված ցուցարարների թիվը հասել է 173-ի:
Նրանք կալանքի տակ կմնան, մինչև որ դատարանը քննի նրանց ադմինիստրատիվ գործերը, քանի որ ակցիան, որին նրանք մասնակցել են, արտոնված չի եղել:
Հիշեցնենք, որ օգոստոսի 30-ին՝ Լուկաշենկոյի տարեդարձի օրը, բելառուսցիները նրան որոշել են անմոռանալի տարեդարձ կազմակերպել՝ բազմահազարանոց բողոքի ակցիայով շրջափակելով նրա նստավայրը: