Ռուս ընդդմիադիր գործիչ Ալեքսեյ Նավալնին, ում ինքնազգացողությունը վատացել է Տոմսկից Մոսկվա թռիչքի ժամանակ, գտնվում է ծանր վիճակում: Այս մասին հայտարարել է Օմսկի թիվ 1 հիվանդանոցի գլխավոր բժիշկ Ալեքսանդր Մուրախովսկին: «Վիճակը ծանր է»,- ասել է նա՝ այլ մանրամասներ չհաղորդելով:
«Ինքնաթիռը շտապ վայրէջք է կատարել Օմսկում: Նավալնին թունավորվել է: Նա կորցրել է գիտակցությունը»,- ավելի վաղ սոցկայքի իր էջում հայտնել էր նրա մամուլի քարտուղար Կիրա Յարմիշը: «Կարծում ենք, որ Նավալնիին թունավորել են թեյի մեջ ինչ-որ բան խառնելով»,- գրել էր նա: