Բելառուսի նախագահ Ալեքսանդր Լուկաշենկոյին Լիտվան ներառել է «սև ցուցակ»-ում՝ արգելելով նրա մուտքն իր տարածք: Լուկաշենկոյի ճակատագրին է արժանացել ևս 31 բելառուսցի:
Մեկնաբանելով Լիտվայի քայլը՝ ՌԴ ԱԳՆ խոսնակ Մարիա Զախարովան նշել է, որ Լուկաշենկոյի նկատմամբ մուտքի արգելք սահմանելով՝ Լիտվան միջամտում է Բելառուսի ներքաղաքական գործերին: «Բրավո: Ու այսպիսով Մինսկն ստանում է երկաթբետոնե կռվան, որը հաստատում է, որ Արևմուտքը միջամտում է Բելառուսի ներքին գործերին»,- ֆեյսբուքյան իր էջում գրել է Զախարովան: