Բելառուսի նախագահի թեկնածու Սվետլանա Տիխանովսկայային Բելառուսից հեռացրել են իշխանությունները։ Այս մասին վկայում է նաև համացանցում հայտնված տեսանյութը, որտեղ երևում է, թե ինչպես է նա թղթից կարդում սեփական ելույթը, որը վերաբերում է Բելառուսը լքելու իր որոշմանը։
Московский комсомолец թերթը գրում է, որ ընդդիմության թեկնածու Սվետլանա Տիխանովսկայան հեռացել է Բելառուսից այն պայմանով, որ ազատ կարձակվի նրա շտաբի պետ Մարիա Մորոզը, ով ձերբակալվել էր ընտրություններից առաջ: Հայտնի է, որ Մորոզը նույնպես լքել է Բելառուսը։