Իրադարձություններ

Վրաստանի ներքին գործերի նախարարության Սամցխե-Ջավախեթիի ոստիկանության բաժանմունքում հետաքննություն է սկսվել օգոստոսի 8-ին Ախալքալաքում տեղի ունեցած կանխամտածված սպանության, հրազեն ապօրինի կերպով ձեռք բերելու, կրելու և խմբակային բռնությունների գործադրման դեպքերի առթիվ, որոնք ուղեկցվել են ուրիշի ունեցվածքը վնասելով կամ ոչնչացնելով: Այս մասին հայտնում է «Ալիք մեդիան»:

Օպերատիվ-հետախուզական գործողությունների արդյունքում ապօրինի հրազեն ձեռք բերելու և կրելու մեղադրանքով ձերբակալվել է 1983 թվականին ծնված հայազգի Ա.Գ.-ն: Հանցանքը ենթադրում է 7-15 տարվա ազատազրկում:
     Հետաքննությունը պարզել է, որ մեղադրյալ Ա.Գ.-ն բանավեճի հողի վրա հրազենից արձակած կրակոցից մահացու վիրավորում է հասցրել 1993 թվականին ծնված Վ.Մ.-ին:

Մեղադրյալ անձի խուզարկության արդյունքում իրավապահներն առգրավել են զենք, որով իրականացվել է հանցագործությունը:
     Փաստի առթիվ ընթանում է հետաքննություն Վրաստանի ՔՕ 108-րդ և 236-րդ հոդվածի 3-րդ և 4-րդ մասերով: