Խնդրում ենք սպասել...
Այսօր`  ուրբաթ, 25 սեպտեմբերի, 2020 թ.

Հետաքրքիր է

Գիտնականներին հաջողվել է վերականգնել նկարիչ Ռաֆայել Սանտիի դեմքը

01:10, շաբաթ, 08 օգոստոսի, 2020 թ.
Գիտնականներին հաջողվել է վերականգնել նկարիչ Ռաֆայել Սանտիի դեմքը

Իտալացի գիտնականները կարողացել են վերականգնել նկարիչ Ռաֆայել Սանտիի դեմքը՝ բացահայտելով նրա դամբարանի գաղտնիքը։ Թոր Վերգաթի համալսարանի աշխատակիցներն ստեղծել են նրա արտաքինի 3D տարբերակը։
     Ռաֆայել Սանտին մահացել է XVI դարում, 37 տարեկանում, բազմաթիվ աղբյուրների համաձայն՝ պատճառը սիֆիլիսն է եղել։ Նկարչի մարմինը արտաշիրիմվել է 19-րդ դարում, իսկ հետո կատարվել է գանգի գիպսե ձուլվածք, սակայն մինչ օրս գիտնականները վստահ չեն եղել, որ մնացորդները պատկանում են հենց իրեն: Պատճառն այն է, որ գերեզմանում գտնվել են նրա աշակերտների ամբողջական և մասնակի կմախքները, իսկ ոմանք էլ դեռևս անհայտ են մնում։
     Վերջերս կատարված հետազոտությունն ապացուցել է, որ Ռաֆայել Սանտիի մահվան պատճառը թոքաբորբն է եղել, իսկ նրա մահվան 500-ամյակի առթիվ գիտնականներն իրականացրել են գիպսե ձուլվածքի վերակառուցում: Մոլեկուլային կենսաբանության փորձագետ Մաթիա Ֆալքոնին բացահայտ զուգադիպություն է գտել հայտնաբերված մարմնի արտաքինի և նկարչի դեմքի մեջ, որը պատկերված է իր ինքնադիմանկարում և այլ նկարիչների աշխատանքներում: Սա ապացույց է այն բանի, որ արտաշիրմված մարմինը պատկանում է հայտնի գեղանկարչին։

Գիտնականներին հաջողվել է վերականգնել նկարիչ Ռաֆայել Սանտիի դեմքը
Գիտնականներին հաջողվել է վերականգնել նկարիչ Ռաֆայել Սանտիի դեմքը

     Եռաչափ վերակառուցումը կարողացել է վերարտադրել դեմքի միայն 80%-ը, սակայն գիտնականները չեն կասկածում իրենց եզրակացությունների մեջ։ Դեմքը բոլորովին չի համընկնում թաղված աշակերտների արտաքինի հետ։ Չի հաջողվել վերարտադրել միայն ականջները, բայց Ռաֆայել Սանտին երկար մազեր է ունեցել, ինչը թույլ է տալիս թաքցնել այդ թերությունը։ Հետագայում գիտնականները մտադիր են որոշել նկարչի մազերի և աչքերի գույնը, որպեսզի պարզեն, թե որքան ճշգրիտ է նա եղել ինքնադիմանկարներում: Ինչպես հայտնի է, շատ նկարներում նա իրեն իր տարիքից ավելի երիտասարդ է պատկերել։

| | |
5910 | 0
Facebook
COMMENT.am