Միջազգային

Յակուտիայի հյուսիսում գտնվող Էբելյախ հանքավայրում 236 կարատ քաշով բյուրեղ են արդյունահանել։
     Դեղնաշագանակագույն ալմաստը հայտնաբերել է «Ալռոսայի» դուստր ձեռնարկությունը՝ «Անաբարի ադամանդները»։
     «Սա Ռուսաստանում հանքարդյունահանված ամենախոշոր գունավոր ալմաստն է։ Ադամանդն ունի 47x24x22մմ չափեր: Թանկարժեք քարի տարիքը, նախնական գնահատմամբ՝ 120-230մլն տարի է»,- ասված է գլխավոր ընկերության մամուլի ծառայության հաղորդագրության մեջ:
     «Ալռոսայի ադամանդները» մասնաճյուղի տնօրեն Պավել Վինիխինի խոսքով՝ սա համաշխարհային մասշտաբով եզակի գտածո է: Բյուրեղը հանձնել են մասնագետներին՝ գնահատման համար։ Դրանից հետո ընկերությունը կորոշի՝ այն փոխանցել իր վարպետներին երեսպատելու համար, թե վաճառել ամբողջական տեսքով։
     «Անկասկած, նման ալմաստը պահանջված կլինի ցանկացած երկրի ադամանդագործների կողմից, քանի որ այն հնարավորություն ունի արտադրել մի քանի բարձրորակ ադամանդներ»,- ասված է Վինիխինի հայտարարության մեջ:
     2017թ․-ին Էբելյախ ալմաստե հանքավայրում միանգամից երեք եզակի ադամանդ է արդյունահանվել՝ վառ դեղին, վարդագույն և մանուշակավարդագույն։ Բոլոր երեք քարերն անցել են երեսպատում և ներկայացվել հանրությանը։