Համացանց

Հրատարակիչ, հասարակական գործիչ Արմեն Մարտիրոսյանը ֆեյսբուքյան իր էջում գրել է. «Վարչապետն ասում է, որ փող չունենք, որ ունենանք հանցագործ դատավորներից զերծ դատարան։
     Նախ ես կարծում եմ, որ մենք լիքը պարկեշտ դատավոր ունենք և պետք է ազատվել ընդամենը 45 դատավորից, որոնք քաղբանտարկյալ են դատել, ունեզրկել են ՀՀ քաղաքացիներին և ծածկադմփոց են արել զինվորներին սպանողների գործերը։
     Վարչական դատարանի դատավորի և առաջին ատյանի դատարանի դատավորի աշխատավարձը՝ 661 հազար 400 դրամ է։
     Անգամ եթե եռապատկենք աշխատավարձը, ապա 250 դատավորի համար կպահանջվի ամսական 330 միլիոն դրամ։
     Եթե մենք երեք միլիոն ենք, ապա յուրաքանչյուր քաղաքացի պետք է վճարի ամիսը 330 դրամ, որ ունենա արդար դատարան։
     Կամ, եթե մենք ունենք գոնե 1000 խոշոր ընկերություն, որոնք հաստատ չեն ուզենա, որ իրենց ունեզրկեն «Բջնի»-ի կամ «Օսթ Ինվեսթմենթ»-ի պես, ապա պետք է վճարեն ամսական 330 000 դրամ, որ ունենան արդար դատարան։
     Կամ, մենք ունենք 30000 աշխատող ձեռնարկություն, ապա մոտ 11000 դրամ վճարելով, կարող ենք ունենալ արդար, ոչ հանցագործ դատավորներից կազմված դատարան»: