Լիբանանի մայրաքաղաք Բեյրութի նավահանգստում օգոստոսի 4-ի երեկոյան որոտացած ուժգին պայթյունի հետևանքով տուժել է ՄԱԿ-ի 48 աշխատակից, հայտնում է Al Jazeera հեռուստաալիքը՝ հղում անելով կազմակերպության գլխավոր քարտուղարի պաշտոնական ներկայացուցչի տեղակալ Ֆարհան Հաքին։
«Բեյրութում տեղի ունեցած պայթյունի հետևանքով վիրավորվել է ՄԱԿ-ի 48 աշխատակից և նրանց ընտանիքների 27 անդամ»,-ասել է Հաքը: Վերջին տվյալների համաձայն՝ Բեյրութում տեղի ունեցած պայթյունի զոհ է դարձել ավելի քան 100 մարդ, հայտնել Է Associated Press-ը՝ վկայակոչելով Լիբանանի Կարմիր Խաչին: Տուժածների թիվը գերազանցել է 4 հազարը: