ԱՄՆ-ի, Կանադայի, Նոր Զելանդիայի, Մեծ Բրիտանիայի, Ավստրալիայի, Ճապոնիայի և մի քանի այլ երկրների հազարավոր բնակիչներ փոստով կասկածելի սերմերով փաթեթներ են ստացել, որոնք ուղարկվել են Չինաստանից (առաքումների մեծ մասն ունեն Չինաստանի փոստային նամականիշեր), հայտնում է ճապոնական NHK հեռուստաալիքը։ Ավելի քան 1000 դեպք հայտնաբերվել է միայն Վիրջինիա նահանգում։
Պաշտոնյաները հանդես են եկել հայտարարությամբ՝ քաղաքացիներին հորդորելով չտնկել դրանք ու արագ ոչնչացնել։ Հուլիսի 28-ին, օրինակ, Տոկիոյի Կանագավա պրեֆեկտուրայում գտնվող Միուրա քաղաքում ապրող մի տղամարդ ծանրոց է ստացել, որը եղել է տասնյակ սերմերով փաթեթ: Դատելով պիտակից՝ բեռը ժամանել է Չինաստանից։
Փորձագետները պարզաբանել են, որ ծանրոցների վրա կարանտին անցնելու մասին ոչ մի նշում չի եղել:
Միացյալ Նահանգներն և Մեծ Բրիտանիան համատեղ հետաքննություն են սկսել։ Չինաստանի իշխանություններն, իրենց հերթին, հայտարարել են, որ փոստային տվյալները կեղծված են։