Հետաքրքիր է

Այս միջոցը էկոլոգիապես բնական է և բացարձակապես անվտանգ, չի առաջացնում որևէ ալերգիկ ռեակցիա։ Ի տարբերություն մասնագիտացված միջոցների, որոնք պետք է անընդհատ թարմացնել, այս միջոցն ավելի մատչելի է և արդյունավետ։
     Հարկավոր է վերցնել մեխակի եթերայուղ: Այն վաճառվում է ցանկացած դեղատանը։ Մոծակների դեմ սա 100% արդյունավետ միջոց է և կբավականացնի երկար ժամանակ, քանի որ օգտագործվում է մի քանի կաթիլ։
     Հարկավոր է նաև 100% բուսական յուղ։ Օրինակ կարելի է վերցնել ձիթապտղի յուղը, քանի որ այն ունի նաև խոնավեցնող հատկություն: Արդյունքում մեկ բաղադրիչը վանում է մոծակներին, իսկ մյուսը խոնավեցնում մաշկը։
     Հարկավոր է վերցնել հարմարավետ տարրա և ավելացնել 5մլ ձիթապտղի յուղ, այնուհետև 3 կաթիլ մեխակի եթերայուղ: Ապա խառնել այն և միջոցը պատրաստ է: Համապատասխանաբար կարելի է ավելացնել ծավալը, ինչպես նաև մեխակի եթերայուղը ավելացնել՝ 4-6 կաթիլ, եթե հոտը ձեզ համար տհաճ չէ։
     Այս քանակությունը բավարարում է մոտ մեկ շաբաթ։ Բայց ամեն ինչ հարաբերական է և կախված է նրանից, թե որքան հաճախ եք օգտագործում այն մոծակների դեմ:
     Օգտագործման եղանակը ևս շատ պարզ է՝ մատներով վերցնում ենք մի քիչ խառնուրդից և քսում մաշկի բաց հատվածների վրա։ Հարկավոր չէ քսել դեմքին, կարելի է մի փոքր պարանոցի հատվածում տարածել։
     Մեծահասակների համար այս միջոցը հարմար է և բացարձակապես անվնաս։ Սակայն երեխաների (1-3 տարեկան) մաշկը նուրբ է և նրանց համար միջոցը անհամապատասխան է։ Սակայն կա անվտանգ ելք.
     Կարող եք պատրաստել կտորից ապարանջաններ ձեռքերի, ոտքեր և պարանոցի համար, և արդեն դրանց վրա քսել մոծակների դեմ միջոցը:
     Ցանկալի չէ օգտագործել հագուստի վրա, քանի որ հետագայում շատ դժվար կլինի հեռացնել յուղը։