ԱՄՆ Կոնգրեսը կներկայացնի հակաճգնաժամային միջոցառումների հերթական փաթեթը, որի ընդհանուր արժեքը 1 տրիլիոն դոլար է: Այս մասին հայտարարել է ԱՄՆ ֆինանսների նախարար Սթիվեն Մնուչինը՝ Fox News-ին տված հարցազրույցում:
Ավելի վաղ ԱՄՆ իշխանությունները, բնակչությանն աջակցելու և տնտեսությունը վերականգնելու համար հատկացրել էին ավելի քան 2,9 տրիլիոն դոլար:
«Մենք պատրաստ ենք արագ գործել: Ինչը վերաբերում է երեխաներին և աշխատանքին, մեր առաջնահերթությունն է»,-ասել է նախարարը:
Միջոցառումների փաթեթը նախատեսում է 1,2 հազար դոլարի չափով աջակցություն՝ յուրաքանչյուր ընտանիքին։