ԵԱՀԿ Մինսկի խումբը Հայաստանին և Ադրբեջանին կոչ է արել նախապատրաստվել բանակցությունների՝ ռազմական ակտիվ գործողությունների նվազման ֆոնին, գրում է РИА Новости-ն՝ վկայակոչելով կազմակերպության պաշտոնական հայտարարությունը:
«Համանախագահները կողմերին կոչ են անում օգտվել հարաբերական անդորրից՝ նախապատրաստվելով առարկայական բանակցությունների՝ հակամարտության համար համապարփակ լուծում գտնելու նպատակով։ Բանակցությունների մեկնարկից առաջ կողմերը պետք է զերծ մնան սադրիչ հայտարարություններից և գործողություններից»,- նշվում է հայտարարության մեջ: