Խնդրում ենք սպասել...
Այսօր`  երեքշաբթի, 04 օգոստոսի, 2020 թ.

Հետաքրքիր է

Մեկ անգամ վարակվածները կարող են կրկին ու կրկին վարակվել կորոնավիրուսով. հետազոտություն

22:30, կիրակի, 26 հուլիսի, 2020 թ.
Մեկ անգամ վարակվածները կարող են կրկին ու կրկին վարակվել կորոնավիրուսով. հետազոտություն

Նոր հետազոտությունները ցույց են տվել, որ Covid-19-ի դեմ դիմադրողականությունը կարող է անցնել ընդամենը մի քանի ամսվա ընթացքում և կրկնվել սովորական մրսածության պես:
     Ըստ հետազոտության, Covid-19-ի դեմ դիմադրողականությունը կարող է թուլանալ ամիսների ընթացքում։
     Ստացված տվյալները վկայում են այն մասին, որ սովորական մրսածության և գրիպի նման, ամեն տարի մարդիկ կարող են վարակվել այս վիրուսով։ Սա կոտրում է այն կարծրատիպը, որ բարձր դիմադրողականությունը կարող է պաշտպանել վարակվելուց։
     Լոնդոնի Թագավորական քոլեջի գիտնականներն ուսումնասիրել են «Guy’s and St Thomas’ NHS foundation trust» հիմնադրամի՝ ավելի քան 90 հիվանդների և բուժաշխատողների իմունային տվյալները:
     Նրանք պարզել են, որ հակամարմինների մակարդակը ախտանշաններից երեք շաբաթ անց հասել է առավելագույնի, իսկ հետո նվազել:
     «Մարդկանց օրգանիզմն արտադրում է վիրուսային հակամարմիններ, բայց կարճ ժամանակահատվածում դրանց ազդեցությունը թուլանում է։ Կախված, թե որքան բարձր է մարդու համար առավելագույն քանակը, դրանով որոշվում է, թե որքան ժամանակ են ապրում հակամարմինները» - ասել է առաջատար հեղինակ, բժիշկ Քեթի Դորեսը։
     Սա խոսում է այն մասին, որ պատվաստանյութերի օգնությամբ պաշտպանությունը չի կարող երկարատև լինել, և ամեն տարի այն կարող է վերափոխվել: Նույնիսկ եթե հակամարմինների մակարդակն իջնի, մարմինը կարող է երկրորդ անգամ պայքարել վիրուսի դեմ՝ T-լիմֆոցիտների (ձեռքբերովի իմունիտետ) օգնությամբ:
     Մեկ այլ ուսումնասիրության արդյունքում պարզվել է, որ ամբողջ աշխարհում սրտի սկանավորում ստացած, կորոնավիրուսով հոսպիտալացված հիվանդների ավելի քան կեսի մոտ հայտնաբերվել են անոմալիաներ:
     Բրիտանական սրտի առողջության հիմնադրամի (BHF) կողմից ֆինանսավորվող հետազոտությունը ցույց է տվել, որ 69 երկրներից, 1261 հիվանդների մոտ 55%-ը սրտի բաբախի ոչ նորմալ փոփոխություններ են ունեցել, և յուրաքանչյուր յոթերորդ մարդու մոտ հայտնաբերվել են ֆունկցիոնալ խանգարման ծանր նշաններ:
     Նախկինում հիվանդների մեծամասնության մոտ սրտի հետ կապված խնդիրներ չեն ախտորոշվել։ Գիտնականները հանգել են այն եզրակացության, որ Covid-19-ը կարող է լրջորեն ազդել սրտի վրա:

| | |
10177 | 0
Facebook