Խնդրում ենք սպասել...
Այսօր`  երեքշաբթի, 11 օգոստոսի, 2020 թ.

Իրադարձություններ

«Ադրբեջանը պատասխան է տալու». հրապարակվել է զոհված Գրիշա Վահանի Մաթևոսյանի լուսանկարը

21:05, երեքշաբթի, 14 հուլիսի, 2020 թ.
«Ադրբեջանը պատասխան է տալու». հրապարակվել է զոհված Գրիշա Վահանի Մաթևոսյանի լուսանկարը

«Իմ քայլը» խմբակցության պատգամավոր Կարեն Համբարձումյանը ֆեյսբուքյան իր էջում հրապարակել է հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից զոհված կրտսեր սերժանտ Գրիշա Վահանի Մաթևոսյանի լուսանկարը:
     «Ադրբեջանը չի մարսելու իր հայատյաց վարքը, Ադրբեջանը պատասխան է տալու թեʹ հայի, թեʹ պատմության առաջ առհասարակ: Ինչպես տեղեկացանք, ՊՆ մամուլից, հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից մահացու վիրավորում են ստացել մայոր Գարուշ Վեմիրի Համբարձումյանը, կապիտան Սոս Փայլակի Էլբակյանը, ժամկետային զինծառայողներ, կրտսեր սերժանտ Սմբատ Գևորգի Գաբրիելյանը և կրտսեր սերժանտ Գրիշա Վահանի Մաթևոսյանը: Խորհին ցավակցություններս եմ հայտնում զոհված հերոսների ընտանիքներին: Ադրբեջանը չի մարսելու իր հայատյաց վարքը, Ադրբեջանը պատասխան է տալու թե հայի, թե պատմության առաջ առհասարակ: Մեր Գրիշը...: Հավերժ փառք բոլորիդ, տղեʹրք»,- գրել է պատգամավորը:

| | |
9327 | 0
Facebook