Խնդրում ենք սպասել...
Այսօր`  չորեքշաբթի, 05 օգոստոսի, 2020 թ.

Իրադարձություններ

ՄԻՊ-ը ԿԽՄԿ-ի ներկայացուցչին է տրամադրել Տավուշի բնակավայրերի հրետանակոծության վերաբերյալ տվյալներ

18:50, երեքշաբթի, 14 հուլիսի, 2020 թ.
ՄԻՊ-ը ԿԽՄԿ-ի ներկայացուցչին է տրամադրել Տավուշի բնակավայրերի հրետանակոծության վերաբերյալ տվյալներ

Մարդու իրավունքների պաշտպան Արման Թաթոյանը հեռախոսային քննարկում է ունեցել Կարմիր խաչի միջազգային կոմիտեի հայաստանյան պատվիրակության (ICRC) ղեկավար Քլեր Մեյթրոի հետ. այս մասին տեղեկացնում է Մարդու իրավունքների պաշտպանի աշխատակազմի հանրային կապերի բաժինը:
     Նշվում է, որ Մարդու իրավունքների պաշտպանը Կարմիր խաչի միջազգային կոմիտեի հայաստանյան պատվիրակության ղեկավարին ներկայացրել է Հայաստանի Տավուշի մարզի ուղղությամբ հուլիսի 12-ից ադրբեջանական զինված ուժերի կողմից մարզի քաղաքացիական բնակավայրերի թիրախավորմամբ իրականացվող գնդակոծությունների և հրետանակոծությունների վերաբերյալ արձանագրած տեղեկությունները, ինչպես նաև քաղաքացիական բնակավայրերից Մարդու իրավունքների պաշտպանին հասեցագրվող ահազանգերը։

«Ուշադրություն է հրավիրվել նաև մեր միջազգային զեկույցների վրա։ ՄԻՊ-ը դրանք կուղարկի նաև Կարմիր խաչի Ժնևի գրասենյակ։ Հաշվի առնելով Կարմիր խաչի միջազգային կոմիտեի մանդատը, ինչպես նաև հայաստանյան պատվիրակության ղեկավարի հետ պայմանավորվածությունը՝ այս պահին մանրամասներ ներկայացնել չեմ կարող»,- ասվում է հաղորդագրության մեջ։

| | |
1966 | 0
Facebook
COMMENT.am