Խնդրում ենք սպասել...

Իրադարձություններ

Հետաձգվեց Արթուր Վանեցյանն ընդդեմ «Հայկական ժամանակ»-ի դատական նիստը

16:50, երկուշաբթի, 13 հուլիսի, 2020 թ.
Հետաձգվեց Արթուր Վանեցյանն ընդդեմ «Հայկական ժամանակ»-ի դատական նիստը

Այսօր՝ հուլիսի 13-ին, Երևանի ընդհանուր իրավասության դատարանում ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանի դատական նիստը՝ ընդդեմ «Հայկական ժամանակ»-ի հետաձգվեց՝ պատասխանող կողմի դատարան չներկայանալու պատճառով։
     «Ակնհայտ է, որ «Հայկական ժամանակ»-ը, չունենալով որևէ պատասխան մեր հայցին, փորձում է ուղղակի ձգձգել: Եթե այսքան լրատվամիջոց տեղեկացված է այս դատական նիստի մասին, ապա պարզ է, որ «Հայկական ժամանակ»-ը նույնպես տեղեկացված է»,- լրագրողների հետ զրույցում ասաց Արթուր Վանեցյանի փաստաբան Լուսինե Սահակյանը: «Նրանք իրենց անպատասխանատու և շինծու տեղեկատվությունը տարածելով՝ հավանաբար չէին գիտակցում, որ գալու է նաև այն ժամանակը, երբ որ պետք է պատասխան տան: Նրանք բնականաբար չունեն պատասխան, որովհետև այդ տեղեկություններն իրականությանը չեն համապատասխանում և որդեգրել են դատական նիստերը ձգձգելու տարբերակը»,- նշեց փաստաբանը:
     Հիշեցնենք, որ ավելի վաղ Արթուր Վանեցյանը «Հայկական ժամանակ» օրաթերթի դեմ հայց էր ներկայացրել։ Պատճառը թերթում հրապարակված «Պատիվ ունե՞մ, թե՞ պատիվ չունեմ. Միշիկը, Արթուրը, Արիկը» վերնագրով հոդվածն է:

3145 | 0
Facebook