Խնդրում ենք սպասել...

Համացանց

«Աջակցության ծրագրերը վերացել են, գյուղացին մնացել է միայնակ՝ իր արտերի ու վարկերի հետ». Էդմոն Մարուքյան

12:45, շաբաթ, 11 հուլիսի, 2020 թ.
«Աջակցության ծրագրերը վերացել են, գյուղացին մնացել է միայնակ՝ իր արտերի ու վարկերի հետ». Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանը Տաթև համայնքից ֆեյսբուքյան ուղիղ եթերի ժամանակ անդրադարձել է գյուղատնտեսական մի շարք խնդիրների: «Գյուղերում հանդիպումների արդյունքում պարզեցինք, որ ճիշտ էինք ասում, երբ խորհրդարանում բարձրաձայնում էինք պարարտանյութի, դիզվառելիքի, ժամանակին եղած գյուղնախարարության պետական աջակցությունների մասին, որոնք այժմ վերացվել են: Այստեղ մենք պարզեցինք, որ անցյալ տարվա և նախանցյալ տարվա կտրվածքով, երբ գյուղացիներն ստացել են պարարտանյութ, սելիտրա, ավելի շատ բերք են ստացել, քան՝ այս տարի: Նրանք, ովքեր փող են ունեցել, առել են այդ ամենը և լավ բերք կստանան, իսկ ովքեր չեն ունեցել հնարավորություններ, այդ աջակցությունը և պետական ծրագրերն էլ փակվել են, նրանք ավելի քիչ բերք են ունենալու: Գյուղացիները հիմա հստակ պնդում են, որ որքան էլ որ թալանել են այդ ծրագրերի ընթացքում (ինչպես ԱԺ ամբիոնից հայտաարում էր վարչապետ Նիկոլ Փաշինյանը), էլի ինչ-որ բան հասել է գյուղացիներին: Աջակցության ծրագրերը հիմա ընդհանրապես վերացվել են, և գյուղացին մնացել է միայնակ՝ իր արտերի, վարկերի և խնդիրների հետ»,- ասել է Էդմոն Մարուքյանը:

Առավել մանրամասն՝ տեսանյութում:

4757 | 0
Facebook