ԱԺ «Բարգավաճ Հայաստան» խմբակցության պատգամավոր Արման Աբովյանը ֆեյսբուքյան իր էջում գրել է․ «Գիտեք՝ ի՞նչ է կատարվում երկրում, երբ տեղեկատվական անվտանգության համար պատասխանատու կառույցները զբաղված են ոչ թե իրենց ուղղակի գործառույթով, այլ, օրինակ, օդում կախված լուրերի համաձայն՝ առավոտից երեկո «լսում են» ընդդիմադիրներին և կազմակերպում են տեղեկատվական գրոհներ իշխանության ընդդիմախոսների հանդեպ, կամ պարզապես չեն հասկանում իրենց գործառույթների բնույթը։
Արդեն տևական ժամանակ է, ինչ թուրքական և ադրբեջանական հաքերների ձեռքերում հայտնվում են ՀՀ քաղաքացիների մասին տվյալներ, դրա հետ մեկտեղ մենք չգիտենք հաքերային գրոհների իրական ծավալները և չգիտենք, թե ի՞նչ գաղտնի տվյալներ են հայտնվել թշնամու մոտ։
Սա չափազանց մտահոգիչ է և վտանգավոր...
Կարծում եմ, որ այս հարցերին պետք է, ինչ-որ կերպ լուծում տալ, հակառակ դեպքում հայկական փակ տվյաները դարձել են ադրբեջանցի հաքերների համար լիարժեք հասանելի»: