Հզոր պայթյուն է որոտացել Թեհրանի Sepahan Boresh գործարանում: Նախնական տվյալներով՝ զոհվել է առնվազն երկու աշխատակից, երեք մարդ վիրավոր է:
Վնասվել է գործարանը և հարակից Saipa Press շենքը, որն զբաղվում է ավտոմեքենաների համար մամլիչ մասերի արտադրությամբ: Իրանի իշխանությունները դեռ չեն մեկնաբանել Թեհրանի մերձակայքում տեղի ունեցած միջադեպը:
Անցյալ երեքշաբթի՝ հունիսի 30-ին, Թեհրանի հյուսիսում գտնվող բժշկական կլինիկայում տեղի ունեցած պայթյունի հետևանքով զոհվել էր 19 մարդ:
Երկու օր անց` հուլիսի 2-ին, իշխանությունները տեղեկացրել էին Նաթանզեում (Սպահանի նահանգ) ուրանի հարստացման գործարանի հրդեհի մասին, որի հետևանքով, ըստ պաշտոնական տվյալների, զոհեր չեն եղել:
Հուլիսի 4-ին պայթյուն էր որոտացել Ահվազ քաղաքի էլեկտրակայանում։
