Խնդրում ենք սպասել...

Համացանց

«Քաղաքացիներից պահանջել են 500 հազար դրամ՝ հիվանդանոցից դուրս գրելու համար». Գևորգ Գորգիսյան

14:00, երեքշաբթի, 07 հուլիսի, 2020 թ.
«Քաղաքացիներից պահանջել են 500 հազար դրամ՝ հիվանդանոցից դուրս գրելու համար». Գևորգ Գորգիսյան

ԱԺ «Լուսավոր Հայաստան» խմբակցության պատգամավոր Գևորգ Գորգիսյանը ֆեյսբուքյան իր էջում գրել է. «Քաղաքացիները թանկ են վճարում COVID-19-ի դեմ պայքարելու համար:

Ինձ է դիմել քաղաքացի Արա Նազարյանը՝ հայտնելով, որ իրենց ամբողջ ընտանիքը COVID-19-ով է վարակվել: Ծնողների բուժումը տանն է կատարվել, դեղորայքի և բուժքրոջ համար վճարել են 250 հազար ՀՀ դրամ, տան անդամներին համակարգչային տոմոգրաֆիայի (ԿՏ) համար ևս վճարել է Արա Նազարյանը՝ 160 հազար ՀՀ դրամ:
     Տանը բուժում ստանալուց հետո ծնողների վիճակը չի բարելավվել, տեղափոխել են հիվանդանոց՝ հիվանդանոցային պայմաններում բուժումն իրականացնելու: Թեստավորում կատարելուց հետո ծնողների թեստերի արդյունքները հիվանդանոցում կորցրել են և միայն 7 օր անց հայտնել են, որ թեստի պատասխանները բացասական են, որից հետո դուրս գրվելու համար քաղաքացիներից պահանջել են մոտ 500 հազար ՀՀ դրամ: Արա Նազարյանը դիմել է ՀՀ առողջապահության նախարարություն, նամակ է ուղարկել նաև նախարարի ֆբ էջին, հարցին որևէ լուծում չի տրվել, նախարարը չի արձագանքել ֆբ հաղորդագրությանը:
     Նշեմ, որ քաղաքացին բախվել է նաև մեկ այլ խնդրի. քանի որ բնակվում է Երևանում, բայց գրանցված է մարզում, հիվանդանոցներում և պոլիկլինիկաներում հրաժարվել են թեստավորում իրականացնել՝ պահանջելով, որ COVID-19-ով վարակված հիվանդը գնա Գյումրի կամ համատիրությունից փաստաթուղթ ներկայացնի:
     Ինքս անձամբ քաղաքացու բարձրացրած խնդրով դիմել եմ նախարարին՝ հաղորդագրություն ուղարկելով նրա ֆբ էջին: Ավելացնեմ նաև, որ ես նույնպես որևէ պատասխան չեմ ստացել նախարարից:
     Առողջապահության ոլորտի պատասխանատուների աշխատանքի գնահատականը թողնում եմ քաղաքացիներին»:

7443 | 5
Facebook