Խնդրում ենք սպասել...

Համացանց

«Ադրբեջանը փորձում է հայկական գործոնը ներքաշել այս պատմության մեջ». Կարեն Հովհաննիսյան

03:15, երեքշաբթի, 07 հուլիսի, 2020 թ.
«Ադրբեջանը փորձում է հայկական գործոնը ներքաշել այս պատմության մեջ». Կարեն Հովհաննիսյան

Թուրքագետ, քրդագետ Կարեն Հովհաննիսյանը ֆեյսբուքյան իր էջում գրել է. «Ադրբեջանի ՊՆ-ն հանդես է եկել հայտարարությամբ՝ կապված այն լուրերի հետ, ըստ որի՝ ռուսական «Կոնտեյիներ» ռադիոլոկացիոն կայանի միջոցով հայտնաբերվել է անհայտ ինքնաթիռ, որը հարվածներ է հասցրել Իրանին Ադրբեջանի օդային տարածքից։ Ադրբեջանի ՊՆ-ն հերքում է իր օդային տարծքից Իրանին հարվածելու մասին լուրերը։

«Այդ հաղորդագրությունը, որը տարածվել է հայանպաստ ուժերի կողմից, անհիմն է, կեղծ և ուղղված է ադրբեջանա-իրանական հարաբերությունների խարխլմանը: Պարզ է, որ տեղեկատվության տարածումը ոչ այլ ինչ է, քան երկու երկրների բարիդրացիական հարաբերություններին վնաս հասցնել։

Տեղեկացնում ենք, որ մինչ օրս Ադրբեջանի տարածքից ոչ մի քայլ չի ձեռնարկվել և չի ձեռնարկվի հարևան Իրանի Իսլամական հանրապետության դեմ»,- ասված է Ադրբեջանի ՊՆ պաշտոնական հաղորդագրության մեջ։

Ադրբեջանն իր ձեռագրի համաձայն, կրկին փորձում է հայկական գործոնը ներքաշել այս պատմության մեջ և այս տեղեկատվության մեղքը գցել հայկական լոբբիստական ուժերի վրա»։

4775 | 0
Facebook