Կզակի հատվածում առաջացած ճարպը բավականին տարածված խնդիր է և կապված է ոչ միայն ավելորդ քաշի, այլև գենետիկական առանձնահատկությունների, տարիքի և որոշ հիվանդությունների հետ: Ահա 5 միջոց կրկնակի կզակից ազատվելու համար․
1. Վարժություն ծնոտի համար
• Բացեք և փակեք բերանը
• Ծնոտը շարժեք մի կողմից մյուսը
• Ստորին ծնոտը առաջ քաշեք և վերադարձրեք սովորական դիրքի
• Կատարեք ծնոտի շրջանաձև պտույտներ
• Կատարեք դեմքի անկանոն շարժումներ
2. Վարժություններ պարանոցի համար
Կարելի է կատարել պառկած, նստած կամ կանգնած. Կարևոր է, որ հնարավոր լինի պարանոցը շարժել տարբեր ուղղություններով. Սակայն պետք չէ գլուխը շատ հետ տանել։ Բոլոր շարժումները կատարել այնպես, որ հանգստացնեք և ավելի ճկուն դարձնեք մկանները:
3. Դեմքի պիլինգ և մաքրում
Այս միջոցները պետք է օգտագործել գոնե շաբաթը մեկ անգամ։ Կարող եք օգտագործել պատրաստի կոսմետիկ միջոցներ կամ պատրաստել բնական սքրաբ տան պայմաններում։ Օրինակ, վերցրեք աղացած սուրճ, աղ, շաքարավազ և սոդա․ պատրաստի խառնուրդը քսեք մաշկին և 1ր մերսող շարժումներով տարածեք։ Նախընտրելի է այն օգտագործել քնելուց առաջ։
4. Խոնավացում բնական յուղերի միջոցով
Խոնավացումը շատ կարևոր է մաշկի ձգողականությունը պահպանելու համար։ Կարելի է օգտագործել տան պայմաններում պատրաստված լոսյոն․
Բաղադրատոմսը՝
100գ․նշի կամ կոկոսի յուղ
15 կաթիլ թուրինջի եթերայուղ
5 կաթիլ լավանդայի եթերայուղ
10 կաթիլ վարդի եթերայուղ
Խառնուրդը կիրառեք օրը երկու անգամ՝ առավոտյան և քնելուց առաջ: Այս բնական յուղերը նպաստում են ավելորդ հեղուկի հեռացմանը, ճարպի այրմանը և նպաստում մաշկի առաձագականությանը։
5. Կավով դիմակներ
Կավով դիմակները պարունակում են հանքանյութեր, որոնք անհրաժեշտ են մաշկին։ Սակայն կարևոր նախապայման է, որ այն պատրաստվի ապակե կամ կաերամիկայից տարրայի մեջ։ Խորհուրդ է տրվում կավը խառնել մածունի, այլ ոչ թե ջրի հետ։
Արագ արդյունք ստանալու համար հարկավոր է համատեղել վարժություններն ու բնական միջոցների օգտագործումը։
