Երգիչ, հաղորդավար Վարդան Սարգսյանը ֆեյսբուքյան իր էջում տեսաուղերձ է հրապարակել՝ կից գրելով. «Չէ, էս նորմալ ա՞:
Գիշերվա ժամը 2:40, երբ Բաղրամյան պողոտայի ամբողջ երկարությամբ նույնիսկ մեկ հոգի չկա, ինձ տուգանում են 10.000 դրամ, քանի որ այդ փողոցում միայնակ քայլելիս ես դիմակն իջեցրել եմ (ոչ թե հանել եմ, այլ իջեցրել):
Եվ ամենից շատ զարմացա այն փաստից, որ ինձ տուգանող ոստիկանը կրում էր կտորից դիմակ, որն արդեն քանի օր շարունակ Արսեն Թորոսյանը և Նիկոլ Փաշինյանը նշում են, որ դրանք չեն պաշտպանում այս վիրուսից:
Ես, լինելով աշխարհի հարյուրավոր երկրներում, միշտ հարգել եմ տվյալ երկրի օրենքը: Հարգում եմ նաև մերը, բայց ամբողջ փողոցում լինել միայնակ ու իջեցնել դիմակը, դա խախտո՞ւմ է:
Եթե այո՛, վճարեմ 10.000 դրամը»: