Ինչպես հայտնի է՝ ԲՀԿ, ՀՅԴ և «Հայրենիք» կուսակցությունները երեկ հայտարարություն էին տարածել, որում ասված էր․ «Բարգավաճ Հայաստան, Հայ Յեղափոխական Դաշնակցություն և Հայրենիք կուսակցությունները հունիսի 30-ին, հանցագործության մասին հաղորդում կներկայացնեն ՀՀ գլխավար դատախազություն՝ պահանջելով քրեական գործ հարուցել օրենսդիր իշխանության ներկայացուցիչների և բարձրաստիճան պաշտոնատար այլ անձանց հանցակցությամբ առանձնապես ծանր հանցանքներ կատարելու փաստերի առթիվ:
Լիազոր ներկայացուցիչները ժամը 10:00-ին ՀՀ գլխավոր դատախազություն առձեռն կհանձնեն երեք կուսակցությունների համատեղ հաղորդումը հանցագործության մասին»։
Ավելի ուշ պարզաբանել էին, որ հաղորդումը տրվելու է ԱԺ 89 պատգամավորների դեմ, որոնք «օրենքի խախտմամբ սահմանադրական փոփոխություն են իրականացրել»։