Ամերիկյան Dreyer's ընկերությունը, որը պատկանում է Nestle-ին որոշում է կայացրել հրաժարվել «էսկիմո» անվանումից, որպեսզի չվիրավորի էսկիմոսներին, որոնք բնակվում են Գրենլանդիայում, Կանադայի Նունավութ նահանգում, Ալյասկայում և Չուկոտկայի ինքնավար շրջանի արևելյան շրջաններում, գրում է The Wall Street Journal-ը: Ըստ թերթի՝ «էսկիմո» ապրանքանիշն ստեղծվել է 1920-ին՝ Քրիստիան Նելսոնի և հրուշակագործ Ռասսել Սթովերի կողմից: Նրանք արտոնագրել են պաղպաղակի անվանումը 1922 թվականին, այնուհետև նրանք վաճառել են ընկերությունը:
Նշվում է, որ ավելի վաղ PepsiCo և Mars ընկերությունները նախաձեռնել էին նմանատիպ քայլեր, որոնք միտված են ապրանքանիշերի խտրական անվանումը փոխելու։ Uncle Ben’s ու Aunt Jemima ապրանքանիշերը կենթարկվեն փոփոխության։