Խնդրում ենք սպասել...

Միջազգային

Մեծ Բրիտանիայի ավիաընկերությունները դատի են տվել իշխանություններին

10:45, շաբաթ, 13 հունիսի, 2020 թ.
Մեծ Բրիտանիայի ավիաընկերությունները դատի են տվել իշխանություններին

Բրիտանական British Airways, Ryanair և Easyjet ավիաընկերությունները դատի են տվել կառավարությանը, գրում է Bloomberg-ը: Ավիաընկերությունները պահանջում են, որպեսզի իշխանությունները չեղարկեն Մեծ Բրիտանիա ժամանող ուղևորների երկշաբաթյա կարանտինը:
     Հունիսի 8-ից երկրում սկսել են գործել նոր կանոններ: Այսուհետ Մեծ Բրիտանիա ժամանողները պետք է նշեն իրենց կոնտակտային տվյալները և ինքնամեկուսացման վայրի հասցեն, որտեղ նրանք 14 օր պետք է մնան պարտադիր կարանտինում, հայտնում է The Telegraph-ը:
     Ըստ ավիափոխադրողների՝ կառավարության ծրագիրը «կործանարար ազդեցություն կունենա բրիտանական զբոսաշրջության և ընդհանուր առմամբ տնտեսության վրա, այն կոչնչացնի հազարավոր աշխատատեղեր»: Նրանք պահանջում են, որպեսզի կառավարությունը վերադառնա հին կանոններին, ըստ որի՝ երկշաբաթյա կարանտինը պարտադիր էր միայն նրանց համար, ովքեր Միացյալ Թագավորություն էին ժամանում «բարձր ռիսկ ունեցող» երկրներից:

9390 | 0
Facebook