Միջազգային

Twitter-ը հեռացրել է 32 242 հաշիվ՝ կապված Չինաստանի, Ռուսաստանի և Թուրքիայի հետ, քանի որ դրանք օգտագործվել են ապատեղեկատվություն տարածելու համար, հայտնում է Twitter-ի մամուլի ծառայությունը։

Ըստ սոցցանցի ներկայացուցիչների՝ հաշիվները կապված են եղել այդ երկրների իշխանությունների հետ և ներգրաված են եղել «տեղեկատվական գործողություններում», ինչը խախտում է սոցիալական ցանցի կանոնները: Ըստ սոցցանցի՝ հաշիվների մեծ մասը կապված է եղել Չինաստանի հետ (23 750 հաշիվ): Թուրքական ցանցը կազմված է եղել 7 340 հաշիվից, իսկ ռուսականը՝ 1 152:
     Ստենֆորդի համալսարանի հետազոտողները պարզել են, որ միայն 23 հազար հաշիվ է հաղորդագրություններ ստեղծել, ևս 150 հազարը միայն տարածել են հաղորդագրությունները:
     Twitter-ը հայտարարել է, որ չինական հաշիվները կապված են եղել Չինաստանի Կոմունիստական կուսակցության հայացքների առաջխաղացման, Հոնկոնգի հետ կապված իրավիճակի, ինչպես նաև կորոնավիրուսի տարածման հետ:
     Ռուսական հաշիվները քարոզել են «Единая Россия» կուսակցության քաղաքական հայացքները: