Պատմաբան Ռուբեն Շուխյանը ֆեյսբուքյան իր էջում գրել է. «Արտառոց է, բայց փաստ՝ օրենքով սահմանված մեր պետական ազգային դպրոցներում գործում են ռուսերենով ուսուցվող ամբողջական դասարաններ, անգամ՝ մի ողջ դպրոց: Լեզվի կոմիտեն վարչական դատարան հայց է ներկայացրել Արմավիր քաղաքի դպրոցի տնօրենի դեմ՝ նրան վարչական պատասխանատվության ենթարկելու պահանջով: Նման կատարյալ ստրկամտություն և թերարժեքության բարդույթ երևի թե միայն մեր երկրում հանդիպես. Հայաստանի քաղաքացին տարբեր ուղիներ է փնտրում՝ միայն թե ռուսերեն կրթության տա իր զավակին իր իսկ երկրում: Դա աբսուրդ է՝ ոչ մի քաղաքակիրթ երկրում նման պատկեր չկա. ամեն տեղ անխտիր բոլոր աշակերտների համար առկա են միայն պետական ազգային դպրոցներ՝ ուսուցվող բացառապես տվյալ երկրի ազգային լեզվով, և եթե կա ցանկություն և օրենքով սահմանված է՝ ազգային փաքրամասնությունների համար կարող են գործել ընդամենն առանձին մասնավոր դասընթացներ»: