Խնդրում ենք սպասել...

Համացանց

«Հիվանդանոցների մուտքերի մոտ դեպրեսիվ տեսարաններ տեսանք»․ Դ․ Իոաննիսյան

09:35, ուրբաթ, 05 հունիսի, 2020 թ.
«Հիվանդանոցների մուտքերի մոտ դեպրեսիվ տեսարաններ տեսանք»․ Դ․ Իոաննիսյան

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Սկզբից շտապօգնության մեքենան բերեց մի կնոջ մոտ 3-4 տարեկան աղջկա հետ: Երեխան իրեն կորցրած էր զգում: Հետաքրքրվեցի, թե ո՞ր մեկն է հիվանդ, պարզվեց երկուսի մոտ էլ կորոնավիրուս էր:

Հետո ինձ ճանաչած մի տղամարդ մոտեցավ ու սկսեց աղմկել, որ սրտի առիթմիայով ու կորոնավիրուսով իր հարազատին չեն հոսպիտալացնում: Բացատրեցի, որ երևի տեղ չկա, բայց դա իրեն չհանգստացրեց ու շարունակեց աղմկել:

Դրոնի թռիչքից ամենաշատը ոգևորվեցին անկյունում մի կտոր հաց ուտող շտապօգնությունների բրիգադները (թեև, այնքան հոգնած էին, որ դա միայն իրենց հայացքից էր զգացվում):

Հ.Գ. Իսկ բոլոր նրանք, ովքեր չեն հարգում հակահամաճարակային կանոնները, գործում են թե այդ 3-4 տարեկան բալիկի, թե առիթմիայով հիվանդի և թե բուժաշխատողների դեմ»։

6980 | 0
Facebook