«Բռնկումների առիթ են դարձել տարբեր միջոցառումներ կազմակերպելը, դրանց մասնակցելը: Դրանց արդյունքում վարակը տարածվել է՝ ձևավորելով նոր օջախներ»,-այսօր մամուլի ասուլիսում՝ խոսելով Հայաստանում կորոնավիրուսով վարակվածության դեպքերի թվի ավելացման մասին, ասել է
ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն»-ի վարակիչ հիվանդությունների համաճարակաբանության բաժնի պետ Լիանա Թորոսյանը՝ կոչ անելով զերծ մնալ զանգվածային միջոցառումներ կազմակերպելուց:
Հարցին՝ ինչո՞ւ է այլ երկրներում վարակվածության թվերի անկում նկատվում, իսկ Հայաստանում հակառակ պատկերն է, ԱՆ պատասխանատուն նշել է, որ այլ երկրներում արվող անհրաժեշտ բոլոր միջոցառումներն արվում են նաև ՀՀ-ում, բայց այստեղ կա աչալրջության ու կարգապահության հարց: