Միջազգային

Պերուի Կաստրովիրեյնի նահանգի շրջաններից մեկի ղեկավարը մեռած է ձևացել՝ կարանտինը խախտելու համար իրեն որոնող ոստիկաններից փախչելու նպատակով: Թանթարա շրջանի ղեկավար Հայմե Ռոլանդո Ուրբինա Թորեսը ընկերների հետ խմելիս է եղել, երբ նկատել է շրջայց անող իրավապահներին: Այդ ժամանակ նա թաքնվել է դագաղում և ձևացրել կորոնավիրուսից մահացած մարդ: Նրա ընկերները նույն կերպ են վարվել: Համապատասխան լուսանկարը՝ ինչպես է Թորեսը պառկած դագաղում, հայտնվել է համացանցում:

Շրջանի ղեկավարը՝ թաքնված դագաղի մեջ

Այս խորամանկությունը, սակայն, զվարճասեր խմբին չի փրկել, ոստիկանները նրանց բերման են ենթարկել հարբած վիճակում:

Լուսանկար՝ հարցաքննությունից

Նշենք, որ շրջանի բնակիչները բազմիցս են բողոքել, որ իրենց ղեկավարը լուրջ չի վերաբերում կորոնավիրուսին ու պատշաճ միջոցներ չի կիրառում: