Այսօր՝ Ապրիլյան քննիչ հանձնաժողովի նիստի ավարտից հետո հանձնաժողովի նախագահ Անդրանիկ Քոչարյանը հայտնեց, որ այս տարվա սեպտեմբերին հանրությանը կներկայացվեն հանձնաժողովի իրականացրած աշխատանքները՝ 2016 թվականի ապրիլին տեղի ունեցած ռազմական գործողությունների վերաբերյալ:
Հարցին, թե կա՞ն դրվագներ, որոնք հանձնաժողովը բացահայտել է, բայց նախկին իշխանությունները, Սերժ Սարգսյանը խնդրել են հանձնաժողովին՝ գաղտնի պահել, Քոչարյանը պատասխանեց. «Մեզ պետք չէ խնդրել: Պետական գաղտնիքի մասին օրենքը դա պարտադրում է: Խնդրելս ո՞րն է: Մենք ստացել ենք այնքան տեղեկատվություն, որը որ մեզ հնարավորություն է տալիս ունենալ ամբողջական վերլուծություն»: