Գերմանիան ծրագրում է ամբողջովին բացել իր սահմանները հունիսի 15-ից, գրում է գերմանական Bild պարբերականը:
Ըստ ԶԼՄ-ների տեղեկությունների՝ առաջիկայում կհայտարարվի սահմանների փուլային բացման մասին, ճանապարհորդների փաստաթղթային ստուգումները կլինեն պատահականության սկզբունքով:
Ըստ նախագծի՝ առաջին փուլում սահմանափակումները կչեղարկվեն այն պետությունների միջև, որոնք ունեն միանման ցուցանիշներ՝ կորոնավիրուսի համավարակի դեպքերի թվով: Որոշումներ կայացնելիս Եվրոհանձնաժողովը խորհուրդ է տալիս զգուշություն ցուցաբերել: Նպատակը այն է, որ Շենգենի գոտում վերականգնվի տեղաշարժի ազատությունը: