ԱՄՆ կոնգրեսականները ներկայացրել են բանաձևի նախագիծ, որն ԱՄՆ նախագահ Դոնալդ Թրամփի վարչակազմին առաջարկում է խստացնել պատժամիջոցները Ռուսաստանի նկատմամբ՝ մարդու իրավունքների ոտնահարման հետ կապված: Նախագիծը հրապարակվել է Ներկայացուցիչների պալատի Արտաքին հարաբերությունների հանձնաժողովի կայքում:
Բանաձևը մշակվել է հանձնաժողովի նախագահ, դեմոկրատ կոնգրեսական Էլիոթ Էնգելի և նրա տեղակալի, հանրապետական Մայքլ Մաքքոլի կողմից։
Բանաձևում ամերիկացի օրենսդիրները նաև պահանջում են Ռուսաստանի իշխանություններից անհապաղ ազատ արձակել բոլոր քաղբանտարկյալներին: Մասնավորապես, նախագիծը դատապարտում է այն դեպքերը, երբ Ռուսաստանում բանտարկվում են ընդդիմադիր գործիչները, լրագրողները, քաղաքացիական ակտիվիստները և կրոնի ազատությունը պաշտպանող անձինք: