Հատուկ քննչական ծառայությունը քրեական գործ է հարուցել ԱԺ փոխնախագահ Ալեն Սիմոնյանի և «Ադեկվադ» նախաձեռնության համահիմնադիր Արթուր Դանիելյանի միջև տեղի ունեցած միջադեպի դեպքով։
Այս մասին «Արմենպրես»-ի հարցմանն ի պատասխան ասել է ՀՔԾ մամուլի քարտուղար Մարինա Օհանջանյանը։
«Ալեն Սիմոնյանի և Արթուր Դանիելյանի հաղորդումների առթիվ նախապատրաստված նյութերի հիման վրա ՀՀ հատուկ քննչական ծառայությունում ՀՀ քրեական օրենսգրքի 258-րդ հոդվածի 2-րդ մասի և 117-րդ հոդվածի հատկանիշներով հարուցվել է քրեական գործ: Կատարվում է նախաքննություն»,- նշել է Օհանջանյանը։