Խորհրդարանը մայիսի 5-ի նիստում մերժեց ԼՀԿ-ի ներկայացրած նախագիծը քառօրյա նիստերի օրակարգում ընդգրկելու հարցը: Դրան գլխադասային հանձնաժողովը բացասական եզրակացություն էր տվել:
ԼՀԿ-ն Քրեական օրենսգրքում փոփոխություններ ու լրացումներ էր առաջարկել կատարել: Առաջարկվում էր, որ օրենքը սահմաներ բավարար երաշխիքներ՝ փաստաբանների գործունեության պաշտպանության համար: Նախատեսվում էր փաստաբանների գործունեությանը խոչընդոտելու համար սահմանել նվազագույն աշխատավարձի 200-300-ապատիկի չափով տուգանք, կամ քրեական պատիժ՝ 1-3 տարի ազատազրկմամբ:
Նախագծի հեղինակ Անի Սամսոնյանը համաձայնել էր հանել փաստաբաններին վիրավորելը քրեականացնող դրույթը: Դրանով հանդերձ՝ նախագիծը մերժվեց: