Մայիսի 4-ից ԵՄ մի շարք երկրներ սկսում են մեղմացնել կամ չեղարկել ավելի վաղ կիրառված սահմանափակումները։
Սերբիայում բացվում են սրճարանները և ռեստորանները, կսկսի գործել նաև հասարակական տրանսպորտը:
Իսպանիայում իրենց աշխատանքը վերսկսում են գրախանութները, գեղեցկության սրահները, կոշիկի և հագուստի նորոգման կետերը, ինչպես նաև սրճարաններն ու ռեստորանները։
Իտալիայում թույլատրվում է առաքմամբ աշխատող բարերի և ռեստորանների աշխատանքը։ Սահմանափակումների չեղարկումը հիմնականում վերաբերում է կասեցված արտադրական և շինարարական ոլորտների գործունեության վերականգնմանը։
Բելգիայում թույլատրվում է աշխատել այն ընկերություններին, որոնց աշխատանքը կապված չէ մեծ թվով հաճախորդների սպասարկման հետ։
Հունաստանում տեղաշարժի սահմանափակումների մեծ մասը չեղարկվում է, իսկ որոշ խանութներ բացվում են:
Լեհաստանում հյուրանոցներն ու առևտրի կենտրոնները կսկսեն գործել, սակայն սահմանափակ թվով այցելուների համար: