Նյու Յորքի արվարձաններից մեկում գտնվող Ուեսթչեսթեր շրջանի բնակիչները դատի են տվել Առողջապահության համաշխարհային կազմակերպությանը (ԱՀԿ)՝ մեղադրելով անփութության մեջ, գրում է New York Post-ը:
Հարավային շրջանի դատարանում հայց են ներկայացրել Ռիչարդ Քլինգը, Սթիվ Ռոթքերը, Ջենարո Պուրչիան: Նյու Յորքի այս արվարձանից է կորոնավիրուսը տարածվել ամբողջ նահանգում:
Մեղադրական եզրակացությունում նշված է․ «Սա կոլեկտիվ հայց է՝ ԱՀԿ-ի կողմից թույլ տրված կոպիտ անփութության հետևանքով պատճառված վնասի փոխհատուցման. կազմակերպությունը ժամանակին չի հայտարարել արտակարգ իրավիճակի սահմանման մասին»:
Հայցվոր կողմը նաև կազմակերպությանը մեղադրում է սեփական աշխատակիցներին անհրաժեշտ ցուցումներ տալու անկարողության մեջ։ Հայցվորները կարծում են, որ կարանտինային միջոցառումները պետք է ավելի վաղ ձեռնարկվեին: