ՄԱԿ-ի գլխավոր քարտուղար Անտոնիո Գուտերեշը հայտնել է, որ ԱՄՆ նախագահ Դոնալդ Թրամփը սխալ ժամանակ է ընտրել դադարեցնելու ԱՀԿ-ի ֆինանսավորումը: Ըստ նրա՝ միջազգային հանրությունն այժմ պետք է համատեղ միջոցներ ձեռնարկի համաճարակի տարածումը կանգնեցնելու և դրա հետևանքները վերացնելու համար, գրում է РИА Новости-ն: «Ճիշտ ժամանակը չէ նվազեցնելու այն ֆինանսավորումը, որը հատկացվում է ԱՀԿ-ի կամ մարդասիրական այլ կազմակերպության գործունեությանը, որոնք պայքարում են համավարակի դեմ»,- ասել է Գուտերեշը: