Նոր Զելանդիայի կառավարության անդամների, ինչպես նաև պետական հաստատությունների և գերատեսչությունների ղեկավարների աշխատավարձերը կկրճատվեն 20%-ով՝ երկրի տնտեսության վրա կորոնավիրուսի բացասական ազդեցությունը մեղմելու համար: Այս մասին հայտարարել է Նոր Զելանդիայի վարչապետ Յասինդա Արդենը։
«Կարող եմ հաստատել, որ իմ, նախարարների կաբինետի և պետական գերատեսչությունների ղեկավարների առաջիկա վեց ամիսների աշխատավարձը կկրճատվի»,- նշել է Արդերնը՝ Նոր Զելանդիայի հեռուստատեսության եթերում: Ըստ Արդենի՝ «կառավարության այս քայլը հավասարեցնելու է համաճարակի հետևանքով տուժած երկրի քաղաքացիների եկամուտները, ինչպես նաև նվազեցնելու է համաճարակի բացասական ազդեցությունը երկրի տնտեսության վրա»:
Ընդհանուր առմամբ, երկրում հայտնաբերվել է համավարակի 1 386 դեպք, մահացել է 9 մարդ: