Առողջապահության նախարար Արսեն Թորոսյանն անհասկանալի համարեց հնչեցված այն տեսակետը, թե կորոնավիրուսի տնային պայմաններում բուժման համար անհրաժեշտ դեղերը դեղատներում բացակայում են: Ըստ նրա՝ նման բուժումն առանձին դեղեր չի պահանջում: Սովորական Պարացետամոլը կա դեղատներում: Պետք է նաև տաք հեղուկներ խմել:
Արսեն Թորոսյանը հաստատեց, որ հիվանդացության դեպքերի 80 տոկոսի դեպքում չի պահանջվում կամ պահանջվում է բուժում՝ տնային պայմաններում: Ամբողջ աշխարհում այդպես են անում, սակայն Հայաստանը դեռ այդ փուլին չի հասել: